Acto de entrega do II Premio BREVITER de microrrelatos

O 17 de xuño de 2025, a gañadora e mais o gañador do II Premio BREVITER de microrrelatos recibiron os seus galardóns nun acto ao cal asistiu, entre outras persoas invitadas, Judith Fernández, directora xeral de Ordenación e Innovación Educativa.

O equipo da biblioteca desexa expresarlles o seu agradecemento a todos os membros da dirección do instituto, sen cuxa implicación non sería posíbel organizar este concurso, así como a todo o profesorado que acompañou con profesionalidade e entusiasmo o alumnado participante, estimulando o seu desexo de estudar e de crear.

O II Premio BREVITER de microrrelatos xa ten unha gañadora e un gañador!

O 25 de abril de 2025, o xurado do II Premio BREVITER de microrrelatos decidiu galardoar as seguintes persoas:

- Na categoría de microrrelatos literarios ou poemas: Iria Iglesias Mouriño, do IES Antón Fraguas de Santiago de Compostela, pola súa obra "Puzle", que, segundo o xurado, ten un "carácter evocador" e mais un "formato sintético cos que retrata a perspectiva interxeracional da imaxe e da identidade".

- Na categoría de microrrelatos audiovisuais: Pablo Martínez Neira, do IES Virxe do Mar de Noia, pola súa obra "Realidade dixital", que, segundo o xurado, amosa "forza visual" para caricaturizar "a idea dos followers", así como "habelencia" para denunciar "a propagación dos bulos nas redes sociais".

O xurado constatou a alta calidade de varias das obras presentadas ao premio e lamentou ter que deixalas sen premio.

Proximamente informarase sobre o acto de entrega dos premios, que vai ter lugar no mes de xuño de 2025 nun acto público no noso instituto.

Boas Festas!

 

Participa no II Premio BREVITER!

 Xa está convocado o II Premio Breviter de microrrelatos: ániamate e participa: podes gañar 500 Euros!

II Premio BREVITER na PRENSA

 

II Premio BREVITER de microrrelatos

Tras a boa experiencia do curso académico pasado, o instituto convoca o II Premio BREVITER de microrrelatos. As obras poden presentarse até o 1 de marzo de 2025. As bases están no arquivo anexo.